متفتحش عشر حاجات مرة واحدة. امشِ بالترتيب اللي تحت: لغة الدرس الأول، بعدها المحاضرتين، بعدها الملفات، وفي الآخر اختبر ذاكرتك. اطمن — مش مطلوب منك تتقن كل حاجة من أول مرة.
نفّذ اللي تقدر عليه بالترتيب. الهدف إنك تدخل اللجنة مرتاح، مش إنك تحرق نفسك في يوم واحد.
حمل ملف المصطلحات الشامل، وبعدها ذاكر كلمات الدرس رقم 14 — Circulatory System.
لو هتجيبه من Telegram: افتح قناة دكتور محمد الفار وابحث باسم الملف: Dr. Mohamed Elfar Kills the Biology Language Barrier
اسمع المحاضرة الأولى كاملة على قناة AlFar University. ولو كنت حضرت الميتينج قبل كده معانا، تقدر تسمع الفيديو على ×2 علشان تراجع أسرع.
في صفحة واحدة هتلاقي 7 ملفات ذهبية للـ Circulatory System، متقسمة علشان كل ملف يعمل وظيفة محددة بدل ما تتوه في ملف ضخم.
قبل ما تنام، وإنت على السرير بتتسلى، ادخل صفحة المراجعة. كل معلومة تظهر لك: لو فاكرها دوس فاكر، ولو مش فاكرها دوس مش فاكر.
بعد كده افتح My Progress حتى لو لسه مخلصتش كل المعلومات. هتلاقي ملفين جاهزين للتحميل: واحد بالمعلومات اللي قلت إنك فاكرها، وواحد بالمعلومات اللي محتاجة مراجعة أخيرة.
مستنيك يوم الامتحان. هدخلك اللجنة بنفسي، وهطمنك، واستناك بعدها تطمني عليك. اعمل اللي عليك بالراحة، وسيب ترتيب الطريق علينا.
نسيت أقولك… أنا بحبك والله.
